Порталот МК Фондови е продажниот излог, едукативниот и информативниот простор, како и главниот комуникациски канал на Синерџи инвестментс ДОО Скопје, компанија која е регистрирана и која работи согласно со законите и практиката во Република Македонија.

Најголемиот дел од активностите на Синерџи инвестментс вклучува обезбедување ажурни и прегледни информации за случувањата на пазарите на капитал во регионот, со акцент на Македонската берза на хартии од вредност. Синерџи располага со тим кој, врз основа на квалификациите и искуството, е во состојба да даде издржани совети во поглед на алокација на средствата кои се планирани за инвестирање во хартиите со кои се тргува во Македонија и во регионот. 

Визијата, значи, на Синерџи инвестментс е да помогне во организирањето и централизирањето на податоците за понудата и побарувачката на пазарот на капитал во земјата, како и да прерасне во лидер на ова поле, кој ќе ги поставува и одржува стандардите на професионално работење во овој услужен сектор.

Во моментот, засилено работиме на редизајн на нашата страница, со цел да ја направиме најмногу што може ориентирана кон корисниците, па од следната година ќе почнеме со практична реализација на нашата главна идеја - да бидеме вистински форум за сите што сакаат да се информираат, но и да дадат придонес во градењето на централно информативно и едукативно место кога станува збор за хартии од вредност. За да не ни се случи она што им се случи на многу македонски инвеститори минатата година, но и на уште повеќе инвеститори кои ги уште пострашно погоди и ги погодува финансиското ’цунами’ што е во тек. НАСКОРО!