Повеќе од половина од акциите кои се дел од МБИ 10 денес поскапеа, меѓу кои со најголем пораст се акциите на Бетон (12.256ден) и Макпетрол (57.143ден). Нивната просечна цена скокна за 10 отсто. Приближен позитивен чекор направи и акцијата на Алкалоид, која порасна +9,98% (5.366ден). Просечната цена на Комерцијална банка, по порастот од 6,24%, изнесува 4.688,10 денари. Со идентично зголемување беа акциите на Гранит (925ден) и Топлификација (5.058ден), кои низ низа трансакции успеаја да пораснат за 4,76%. Вистинска трка се создаде за акциите на Гранит, при што за една секунда се продадоа околу 5.000 акции на 925 ден, додека во моментов просечната цена се движи кон 890 ден.

Две банки се во црвена зона. Вредноста на Охридска Банка се намали за 2.56%, а на Стопанска банка Битола за минимални 0.24% (4.976,94 ден.). Во оваа група од МБИ 10 индексот, односно компании со пад, е и Макстил, кој се спушти на просечна цена од 328.58 ден, паѓајќи 0.18%.

Од останатите акции со кои што се тргуваше, позитивен ден има КЈУБИ, која на својата вредност додаде 9.96% (1.085 ден.), а сличен пораст од над 5 отсто имаат акциите на Тетекс Тетово (1.000 ден.) и Попова Кула (38,00 ден.). Акцијата на РЖ Услуги порасна 3.35%. Од банкарскиот сектор,  ТТК Банка е 2.37% во позитива, следена од акцијата на УНИ Банка, која има нешто помал пораст од 1.40%.
На врвот на губитници се наоѓа акцијата на ОКТА. Нејзината вредност потона за 6.71%, тргувајќи се по просечна цена од 5.700 ден. Акцијата на РЖ Ленти се спушти удолу за 5.24 отсто.
Индексот на обврзниците е во минус за 0.02%. Обврзниците за денационализација од 7-мата емисија потонаа за 0.13%, а РМ01 за 0.07%.
До сега е остварен промет од над 28 мил.денари.

Коментари

Пребарај

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."