Според грчкиот весник Елефтерос Типос, Ирска го направи првиот чекор кон признавањето на уставното име на Македонија.

Имено,  потпишувањето на двострана спогодба за избегнување на двојното оданочување претставува јасен знак за тоа, зашто во документот е напишано уставното име на Македонија. Спогодбата беше потпишана за време на посетата на македонскиот министер за надворешни работи, Антонио Милошоски, во Даблин и покрај претходните сигнали од грчката дипломатија кога ирските власти го заменија ФИРОМ со Република Македонија во односите со Скопје. Ирска е втората земја од 15-те стари членки на ЕУ, по Велика Британија, која изрази подготвеност да ја признае Макеоднија под нејзиното уставно име. Но, таа земја е една од партнерите на Грција, продолжува весникот, кои изразуваат разбирање за грчката позиција во однос на кипарското прашање“, објавува весникот.

Меѓутоа, уследи и реакција од страна на грчката Влада, која преку портпаролот Тодорос Русопулос изјави дека Македонија треба да ја гледа својата иднина во ЕУ само преку соработка со Грција. Понатаму, како што јавува грчкиот весник “Нафтемборики“, тој ја изразил желбата на Атина да биде постигнато праведно и заемно прифатливо решение за  спорот со името со Скопје.  По втор пат, Русопулос ја истакнал целта на Грција да бидат продолжени преговорите со Македонија во рамките на ООН.