|
Поради масовниот одлив на градежни работници, Македонија бара од Црна Гора итно да се склучи спогодба за сезонски вработувања со која ќе се стави ред во бизнисот со извоз на работници на црно, јавува А1.
Медиумите ја пренесоа изјавата на Министерот за труд и социјална политика Трајанов, кој известил дека е иницирана постапка со Црна Гора за склучување посебна билатерална спогодба, која е прифатена од црногорските власти. Целта на спогодбата е да воведе ред во неконтролираниот и се помасовниот одлив на градежни работници во Црна Гора. Македонија ваков договор има склучено само со Германија, со кој е утврдена годишна квота од 400 работници, кои може легално може да заминат на работа во таа земја. Спогодба има и со Словенија, но договорот уште не е ратификуван од словенечкиот Парламент. Освен тоа, преговори за испраќање на македонки градежници се водат и со Катар, а и покрај повеќето обид за склучување на спогодба и со Италија, официјален Рим се уште не одговорил на македонските барања.Синдикатот за градежништво тврди дека постои вистински хаос во бизнисот со нелегален извоз на македонски работници. Според Синдикатот, никој не води грижа за тоа како и на кој начин македонските работници заработуваат надвор од државата. Ниту Синдикатот ниту Владата немаат податок за тоа колкав број македонски граѓани работат на црно во странство. И покрај објаснувањето од Министерството дека работници во други земји може да испраќаат само приватни лиценцирани агенции за посредување при вработување, државната агенција за вработување и матичните компании на работниците, изгледите се дека и оваа градежна сезона ќе дојде до масовен одлив на работници од Македонија, поради објавата на Црна Гора дека нуди вработување на над 10,000 луѓе од Македонија, Србија и Босна и Херцеговина. Платите во Црна Гора се движат од 800 евра месечно па нагоре.
|
