| Пакет мерки на Владата за ублажување на последиците од светската економска криза
|
Иако македонскатa Влада долго време изјавуваше дека светската криза нема да има последици во Македонија, деновиве сме сведоци на сосема спротивни случувања. Владата и натаму упорно одбива да ја зголеми платата на просветните работници, сметајќи дека сега веќе сме погодени од светската криза, како и поради неможноста да се пренаменат средства од буџетот за зголемување на платите на просветните работници. Минатата недела, во рамките на Регионалниот економски форум во Охрид, претседателот Бранко Црвенковски укажа на тоа дека најпогодени се извозно ориентираните сектори, како металургијата, градежништвото и текстилната индустрија, што ќе се одрази врз намалување на извозот. Во овој контекст, податоците на Државниот завод за статистика покажуваа т дека индустриското производство во месец октомври е намалено за 10%. Веројатно свесна за ситуацијата, Владата подготви пакет мерки за ублажување на последиците од светската економска криза во македонската економија. Премиерот Никола Груевски најавува дека пакетот мерки ќе тежи околу 330 милиони евра.
|
