Во 2009г. во Црна Гора се очекува да започе со работа и првата руска банка

Повеќе од очигледно е дека финанскиската криза од која се тресе целиот свет нема влијание на консолидацијата на банкарскиот сектор во Југоисточна Европа. По влезот на ЕРСТЕ банка на пазарите во Чешка, Словачка, Унгарија, Украина, Романија, Србија и Хрватска, оваа банка се подготвува за влез во Црна Гора. Трансакцијата е веќе договорена, но банките одбиваат да зборуваат пред завршувањето на преземањето на црногорската Опортунити банка.

Опортунити банка е формирана во 2002 година е седма банка по големина во Црна Гора, по бројот на активи е шеста, а по добивката која во првите девет месеци изнесуваше 3,72 милиони евра зазема трето место во оваа земја.  Мнозинскиот сопственик на банката е американскиот Опортунити Трансфорнејтонс Инвестмент, која што е поврзана со непрофитната организација Опортунити Интернешнал (поседува мали штедилници или банки во околу 40 земји).

Во следната година во Црна Гора се очекува да започе со работа и првата руска банка. На територијата на оваа земја функционираат 11 банки, од кои во домашна сопственост се Прва, Атласмонт и Инвест Банка Монтенегро.